Vizioni ynë është një shoqëri e lirë, e barabartë dhe e drejtë, që përfaqëson vlerat themelore njerëzore, me qytetarë të vetëdijshëm për përgjegjësinë dhe rolin e tyre aty ku jetojnë, duke avokuar zëshëm të angazhohemi në dialog të vazhdueshëm për një shoqëri të hapur, të përgjegjshme, që bashkëpunon për ndërtimin e paqes së qëndrueshme.
Jemi organizatë që inkurajon aktivizmin dhe përkrahim qytetarët në veprim të përbashkët drejt krijimit të një shoqërie të drejtë, dëshirojmë të kontribuojë në mënyrë aktive në ngritjen e nivelit të transparencës dhe përgjegjësisë me qëllim të arritjes së fuqizimit të qytetarëve të Luginës për përfshirje në proceset vendimmarrëse përmes kërkimit, informacionit, rrjetëzimit dhe edukimit.
Aktivitetet tona promovojnë zhvillimin e demokracisë, përmes aktivizimit të zërit rinor në bashkëpunim me sektorin civil, avancimi i politikave rinore që përmes mendimit kritik të jemi mbrojtja dhe avancimi i të drejtave të pakicave si dhe atyre të njeriut, kërkojmë menaxhim të mirë të institucioneve që sigurohet përmes llogaridhënies dhe përfshirjes së zërit qytetar në të gjitha nivelet e jetës publike.
Organizata Aktivistëve REFORMA u themelua në vitin 2010 si grup joformal i aktivistëve nga Presheva dhe Bujanoci, kryesisht për të reaguar kundër korrupcionit dhe keqmenaxhimit të institucioneve locale publike, e që më vonë u zhvillua dhe regjistrua si organizatë joqeveritare me seli në komunën e Preshevës, e që është edhe qendra e proceseve shoqërore të Luginës së Preshevës.